గతాల పుటల్లోంచి వెలికి తీసిన నిజాలు
మతాల మాటున జరుగుతున్న మోసాలు
రాజుల అభిమతాల చాటున నలిగిన సామాన్యుల ఆర్తనాదాలు
కోణాల్లోంచి, దృక్కోణాల్లోంచి రాయబడ్డ చరిత్రలు
నియంతృత్వాన్ని ధిక్కరించిన అమర ప్రేమికుల జీవితాలు
నిజాలను నినదించిన ధైర్యవంతుల గళాలు
అధికారాన్ని ప్రశ్నించిన తిరుగుబాటు బావుటాలు
అహంకారాల హుంకారాల కిందపడి నలిగిన వీరుల స్వరాలు
ఉద్యమ సూర్యులు ఊపిరిలొదిలినా చోద్యం చూసిన సమాజాలు
నరహంతకుల దురాగతాలకు మూగవోయిన విప్లవ శంఖాలు
ప్రాణ త్యాగాల విలువను మరచిన జాతి వంచకుల సమూహాలు
అన్వేషించే కొలది దొరికే నిజాల సమాధులు ........
